VIVEIRO DE EMPRESAS

Rematado xa o informe que analiza a posibilidade e viabilidade da creación dun Viveiro de Empresas para o Territorio do Pacto.
O viveiro de empresas permitirá ás novas iniciativas empresariais dispor dun lugar axeitado para que as súas ideas se desenvolvan ata lograr a madurez e a consolidación precisa no tecido empresarial.
O motivo deste informe é analizar dunha forma minuciosa a estrutura empresarial do Pacto que nos poida dar unha visión sobre o funcionamento da actividade emprendedora. O informe está organizado en varias seccións. Comeza cun resumo dos principais factores condicionantes do crecemento empresarial, seguido da definición de viveiro de empresas e os servizos que ofrece e remata coa realidade socioeconómica do Pacto.

Podédelo consultar no menú INFORMES á dereita.

POBOCAIÓN PARADA REXISTRADA POR SECTORES ECONÓMICOS

Na seguinte gráfica pódese ver a distribución da poboación parada rexistrada (PPR) por sectores económicos, no territorio do pacto, a provincia de Ourense e a Comunidade Autónoma.
(pincha na gráfica para vela ampliada)

ANÁLISE SOCIO-ECONÓMICA

Este informe contén un estudio sobre o comportamento socio-económico nos últimos anos. Tomouse como referencia o periodo 2001-2007 para estudar as seguintes variables: poboación, mercado laboral, empresas e formación.

(Prema co rato na marxe dereita da portada do informe para comezala súa visualización)

Guía de Recursos

Hoxe preséntase ante os medios a Guía de Recursos que edita o Pacto Territorial de Emprego de Valdeorras.
A Guía de Recursos é unha recopilación do entramado asociativo, económico, social, cultural e empresarial do territorio do Pacto e nela podemos atopar un directorio de teléfonos e enderezos dos servizos máis representativos de cada un dos concellos que conforman o Pacto: O Barco de Valdeorras, O Bolo, Carballeda de Valdeorras, Chandrexa, Larouco, Manzaneda, Petín, Pobra de Trives, A Rúa, Rubiá, San Xoán de Río, A Veiga, Viana e Vilamartín de Valdeorras.

(Prema co rato na marxe dereita da portada da guía para comezala súa visualización)